Redmi 5A: Specifications and Price in India

Xiaomi ne apna "Desh Ka Smartphone" tagline ke sath Redmi 5A smartphone launch kar diya hai. Is smartphone ko Xiaomi ne aaj (30 November) ko 12:30 PM (IST) pe launch kiya. Xiaomi ne poore launch event mein Redmi 5A ke features se jyada iska comparison Samsung J2, Moto C, and Nokia 2 se kiya. Xiaomi ne kaha ke Redmi 5A is price range mein anne wale sabhi smartphones se acha hai. Iske sath he Xiaomi ne "Desh Ka Smartphone" and "Make In India" pe bhi focus kiya.

Redmi 5A: Specifiactions and Price in India
Source: Mi.com


Redmi 5A Specifications


Redmi 5A mein apko 5-inch (12.7 cm) ka HD display milta hai jiska resolution 1280x720 pixels hai. Is phone mein apko 1.4 GHz ka quad-core Snapdragon 425 processor milta hai, Jo ki normal use ke liye kaafi hai. Agar baat kare camera ki to is phone mein 13-megapixel ka rear camera and 5-megapixel ka front facing camera diya gaya hai. Rear camera mein apko PDAF fast-focusing jese features milte hain. Redmi 5A mein apko 3000 mAH ki non-removable battery milti hai. Xiaomi ke anusar ye apko up to 8 days ka standby time degi.


Redmi 5A: Specifiactions and Price in India
Source: Mi.com

Is phone ke apko do storage and ram variants milenge. Redmi 5A 2 GB Ram/16 GB Internal Storage and 3 GB Ram/32 GB Internal Storage ke variant mein available hoga. Is phone mein apko dedicated microSD card slot bhi diya gaya hai. Iska matlab ke aap 2 sim cards and ek microSD card (up to 128 GB) ek sath use kar sakte hain. Iske ilava Xiaomi ke har phone ki tarah Redmi 5A mein bhi apko IR Blaster milega jiski help se aap TV, set-top, and air-conditioner ko remotely control kar sakte hain. Redmi 5A three color variants Gold, Rose Gold, and Grey colors mein available hoga. Redmi 5A Android 7.1 Nougat par chalta hai and isme apko MIUI 9 out of the box milega. MIUI 9 mein apko kafi saare naye features mil jaate hain. Connectivity ke liye is phone mein Wi-Fi, GPS, Bluetooth, USB OTG, FM, 3G and 4G etc milta hai. Is phone mein apko Proximity sensor and Accelerometer sensor milte hain.

  • Display : 5-inch (12.7 CM)
  • Resolution : 1280x720 pixels (HD)
  • PPI : 294 pixels per inch
  • Rear Camera : 13-megapixel
  • Front Camera : 5-megapixel
  • Processor : 1.4 GHz quad-core
  • SoC : Snapdragon 425
  • Battery : 3000 mAH
  • Ram : 2 GB / 3 GB
  • Internal : 16 GB / 32 GB
  • OS : 7.1 Nougat
  • Skin : MIUI 9
  • Fingerprint : No
Redmi 5A: Specifiactions and Price in India
Source: Mi.com

Redmi 5A Price in India


Redmi 5A ko launch karne ke sath company ne iske price ko bhi reveal kiya hai. Xiaomi Redmi 5A ke 2 GB Ram and 16 GB internal storage wale variant ki keemat vese to 5,999 Rs hai but Xiaomi ne yahan par is phone ke pehle 5 million customers ko 1000 Rs ka discount dene ka announcement kiya hai. To iska matlab hai ke Redmi 5A ka 2 GB/16 GB variant apko 4,999 Rs ka padega. Wahi Redmi 5A ka 3 GB Ram and 32 GB Internal Storage wala variant apko 6,999 Rs ka padega. Yahan par dhyaan dene wali baat hai ke 3 GB/32 GB wale variant par koi bhi discount nhi hai. Agar baat kare is phone ki first sale ki to Redmi 5A ki first sale 7 December ko Flipkart and Mi.com par hogi.

No comments:

Powered by Blogger.