Xiaomi 'Desh Ka Smartphone' - 5A Specifications, Price

Xiaomi India 30 November ko 'Desh Ka Smartphone' theme ke saath ek naya smartphone launch karne ja rahi hai. Vese to is phone ke baare mein abhi jyada jaankari available nhi hai but phir bhi umeed ki ja rahi hai ke ye phone Xiaomi Redmi 5A he hoga. Chaahe Company ne abhi tak is phone ke name ke baare mein abhi tak na bataya ho par company ne iske features ke baare mein batana jaroor shuru kar diya hai.

Xiaomi 'Desh Ka Smartphone' - 5A Specifications, Price

Abhi tak ki jankari ke mutabik is phone ki sabse badi khasiyat iski battery life hogi. Abhi tak ye saaf nhi hai ke 30 tarik ko launch hone wala smartphone Redmi 5A he hoga ya nhi, par Xiaomi ne yahan par saaf saaf ishaara kiya hai ki wo Redmi brand ka phone launch karne ja rahe hain. Redmi 5A ka price 5,99 Chini Yuan (lagbhag 5800 rs) hai. Lekin ho sakta hai ke Xiaomi is baar is phone ko India mein is se kam price par launch kare.

Agar baat kare Redmi 5A ke features ki to isme 5 inch HD (1280x720) IPS display diya gaya hai. Phone mein 2 GB Ram and 16 GB internal storage hoga. Ap isme 128 GB tak ka microSD card use kar sakte hain lekin is phone mein apko hybrid dual sim slot milega. Is phone mein Qualcomm Snapdragon 425 processor diya gaya hai jiski clock speed 1.4 GHz hai. Is phone mein apko 13-megapixel ka rear camera milta hai jo ki f/2.2 aperture and LED flash ke saath ata hai. Wahi is phone mein 5-megapixel ka front facing camera diya gaya hai jo ki f/2.0 aperture ke sath ata hai. Is phone ki screen density 296 PPI (pixels per inch) hai. Graphics ke liye is phone mein Adreno 308 GPU diya gaya hai. Hybrid sim slot hone ke kaaran ap ek time par 2 sim cards ya phir 1 sim card or 1 microSD card he use kar sakte hain.

Is phone mein Xiaomi battery ko he highlight kar rahi hai. Apko isme 3000 mAH ki battery milegi.  Yeh phone MIUI 9 par chalega. Agar connectivity ki baat kare to is phone mein apko 4G voLTE, 3G, 2G, Bluetooth, Wi-Fi and USB etc ka support milta hai. Abhi tak yeh phone sirf china mein he available hai lekin umeed ki ja rahi hai ke 30 November ko yeh Bhartiya bazaar mein bhi uplabdh ho jayega. Bharat mein abhi tak Xiaomi ka India mein sabse sasta phone Redmi 4A hai lekin shayad Xiaomi 5A ko is se kam keemat par India mein launch kare.

Xiaomi Redmi 5A Specifications (Features)


  • Display : 5 inch
  • Resolution : 1280x720 pixel
  • Processor : 1.4 GHz
  • SoC : Snapdragon 425
  • Ram : 2 GB
  • Rom : 16 GB
  • OS  : Android 7.1
  • Battery : 3000 mAH
  • Rear Camera : 13-megapixel
  • Front Camera : 5-megapixel
  • Fingerprint : No

No comments:

Powered by Blogger.