Micromax Bharat 5 Price, Specifications in Hindi

Micromax ne apni Bharat series ka naya smartphone Bharat 5 launch kar diya hai. Is post mein ham Bharat 5 ke Price and Specifications ke baare mein baat karne ja rahe hain.  Micromax ka ye ek low-cost budget smartphone hai. Is phone ki sabse badi khasiyat iski 5000 mAH ki battery hai. Ye smartphone offline retailers ke duwara sell kiya jayega. Is phone ke sath apko Vodafone ki taraf se extra free data offer bhi diya jayega. Micromax apni is series mein Bharat 5 Plus and Bharat 5 Pro ko bhi launch karne ki plan bna rahi hai. Micromax ka kehna hai ke uska March 2018 tak 6 million Bharat smartphone bhechne ka irada hai.
Is se pehle Xiaomi ne bhi apna Redmi 5A launch kar diya hai, jiska price sirf 4,999 Rs hai: Redmi 5A - Specifications and Price in India

Micromax Bharat 5 Price and Specifications


Micromax ne har baar ki tarah is baar bhi battery ko highlight kiya hai. Is smartphone ka seedha competition Redmi 5A se hoga jo ki 30 November ko launch hua hai. Bharat 5 ki tulna mein Redmi 5A bhi kafi ache features pesh kar raha hai. Launch event par Micromax ke Chief Marketing and Chief Commercial Officer, Shubhodip Pal ne kaha ke ye smartphone apni lambi battery life ke chalte un jagah par kaafi helpful hoga jahan par electricity ki problem rehti hai.

Micromax Bharat 5 Specifications


Micromax Bharat 5 mein apko 5.2-inch ka HD (720x1280 pixels) wala display milta hai. Is smartphone mein apko 1.3 GHz ka MediaTek MT6737 quad-core processor milta hai. Is smartphone mein apko 1 GB Ram (DDR3) and 16 GB ka internal storage milta hai. Is phone mein aap 64 GB tak ka microSD card use karke storage ko extend kar sakte hain.

Agar baat kare camera ki to Bharat 5 mein apko 5-megapixel ka rear camera with LED flash milta hai. Isme 5 megapixel ka he front-facing camera hai. Apko front camera mein bhi LED flash milta hai. Company ka kehna hai ke ye smartphone night mein bhi kaafi achi pictures click kar sakta hai. Iske ilava is phone mein apko 5000 mAH ki battery milti hai. Company ke mutabik iski battery apko up to 2 days ki battery life and up to 3 weeks ka standby time degi.

Micromax Bharat 5 Price, Specifications in Hindi
Source: Micromaxinfo.com

Is phone mein apko 22 Indian languages ka support milta hai. Yeh smartphone Android Nougat 7.0 par chalta hai. Connectivity ke liye apko is phone mein 4G VoLTE, Wi-Fi 802.11 b/g/n, Bluetooth v4.0, FM radio, 3.5mm audio jack, and Micro-USB etc milta hai.

Yeh smartphone 7 December se sale ke liye available ho jayega. Is phone ke sath apko Vodafone ki taraf se 50 GB free data bhi diya ja raha hai. Ye smartphone sirf Black color mein he available hoga.

  • Display: 5.2-inch
  • Resolution: 1280x720 pixels
  • Processor: 1.3 GHz, quad-core
  • SoC: MediaTek MT6737
  • Ram: 1 GB (DDR3)
  • Internal Storage: 16 GB
  • Rear Camera: 5-megapixel + LED flash
  • Front Camera: 5-megapixel + LED flash
  • Battery: 5000 mAH
  • OS: Android 7.0
  • Fingerprint: No

Micromax Bharat 5 Price in India


Micromax Bharat 5 ka India mein price 5,555 Rs hai. Yeh smartphone 7 December se offline stores ke duwara sale kiya jayega. Is phone ke saath Vodafone ki taraf se apne naye and purane customers ko 50 GB extra free data milega. Agar koi Vodafone user Bharat 5 par 1 GB ka data plan leta hai to ussey 5 months tak har mahine 10 GB free data milega, Matlab ke total 50 GB additional data.

Conclusion

Micromax ke is smartphone ka seedha competition Redmi 5A se hai jo ki haal he mein launch hua hai. Redmi 5A ka price bhi laghbhag same he hai par wo Bharat 5 ki tulna mein kaafi ache features pesh kar raha hai. Lekin kuch fetures (jese battery etc) Bharat 5 ke bhi ache hai par phir bhi Redmi 5A value for money product lagta hai. Micromax agar apne is smartphone mein 1 GB ki jagah 2 GB Ram deta to shayad ye phone bhi Redmi 5A ki tulna mein kaafi acha ho jaata. Ham yahi kehna chahenge ke aap pehle dono phones ko achi tarah se compare kar le. Agar apko battery life jyada chahiye to aap Micromax ka Bharat 5 le sakte hain but agar apko processor aur Ram acha chaihye to apko Redmi 5A le sakte hain. Aur jyada latest hindi tech news and tricks ke liye hmaari website ke sath jude rahe.

No comments:

Powered by Blogger.